Money Theft as Cinema Style: రూ.20 కోసం చూసుకుంటే.. రూ.10 లక్షలు కొట్టేశారు - three members group stolen ten lakh rupees

Rs.10 Lakhs theft from Man as Cinema Style: గుంటూరులో హెచ్​డీఎఫ్​సీ బ్యాంకు నుంచి డబ్బు డ్రా చేసి తీసుకెళ్లడానికి వచ్చిన ఓ వ్యక్తికి దొంగలు టోకరా పెట్టారు. బ్రాడిపేటలోని మిర్చి వ్యాపారి వద్ద హరిబాబు గుమాస్తాగా పని చేస్తున్నారు. శుక్రవారం నాడు యజమాని చెప్పడంతో లక్ష్మీపురం హెచ్​డీఎఫ్​సీ బ్యాంకు నుంచి రూ.10 లక్షలు విత్ డ్రా చేశారు. బయటకు వచ్చి బైక్ స్టార్ట్ చేసే సమయంలో ఓ ఆగంతుకుడు వచ్చి.. కింద 20 రూపాయల నోట్లు పడిపోయాయని చూపించాడు. ఆ నోట్లను తీసుకునేందుకు హరిబాబు ప్రయత్నిస్తుండగా.. రూ. 10 లక్షల నగదుతో ఉన్న బ్యాగును అదే ముఠాలోని మరొకడు చాకచక్యంగా ఎత్తుకెళ్లాడు.. పక్కనే బైక్‌పై వేచి ఉన్న మరో దొంగతో కలిసి పారిపోయాడు. హరిబాబు బైక్​పై కూర్చున్న తర్వాత గానీ చోరీ విషయం గుర్తించలేదు. అప్పటికే దొంగలు పరారయ్యారు. హరిబాబు పట్టాభిపురం పోలీసులను ఫిర్యాదు చేశారు. రంగంలోకి దిగిన పోలీసులు బ్యాంక్​తో పాటు బయట ఉన్న సీసీ టీవీ కెమెరా ఫుటేజీలను పరిశీలించారు. బ్యాంకు లోపల ముగ్గురు వ్యక్తులు మాస్క్‌లు పెట్టుకుని మిగతా వారిని గమనిస్తున్నట్లు ఫుటేజీలో బయటపడింది. దొంగల కోసం పోలీసులు గాలింపు చర్యలు చేపట్టారు.