కుటుంబ వ్యవహారాల్లో ఎమ్మెల్యే, అధికారుల జోక్యం - న్యాయం కోసం తండ్రీకొడుకుల దీక్ష - prakasam political news

MLA and Officials Interference in Family Affairs :ప్రకాశం జిల్లా మార్కాపురం వైసీపీ ఎమ్మెల్యే కుందూరు నాగార్జున రెడ్డి సోదరుడు కృష్ణమోహన్​ రెడ్డి తమను వేధిస్తున్నారంటూ తండ్రి, కొడుకులు తహసీల్దార్​ కార్యాలయం ఎదుట దీక్షకు దిగారు. మార్కాపురం మండలం బిరుదులనరవకు చెందిన విశ్రాంత వీఆర్​వో మునిరెడ్డి కుటుంబ సభ్యులకు ఉమ్మడి ఆస్తులపై వివాదం నడుస్తోంది. పోలీసులు ఇరువురిని బైండోవర్​ చేశారు. సమస్య పరిష్కారం అయ్యే వరకు పొలంలోకి వెళ్లొందని సూచించారు. ఈ నేపథ్యంలో కృష్ణమోహన్​ రెడ్డి జోక్యం చేసుకుని రెవెన్యూ అధికారులు, పోలీసులతో తమను వేధిస్తున్నారని మునిరెడ్డి ఆరోపించారు.
Victim Concern :తమ కుటుంబ వ్యవహారాల్లోకి ఎమ్మెల్యే, పోలీసులు అధికారులు జోక్యం చేసుకొని తనని బెదిరిస్తున్నారని విశ్రాంత వీఆర్​వో మునిరెడ్డి పేర్కొన్నారు. తనకు న్యాయం జరిగేలా చర్యలు తీసుకోమని అధికారుల చుట్టూ ఎన్ని సార్లు తిరిగి ఫలితం లేదని వాపోయారు. ఈ విషయంలో పై అధికారులు జోక్యం చేసుకొని తనకు న్యాయం జరిగేలా చర్యలు తీసుకోవల్సిందిగా కోరారు.