Misses Vizag-2023 Beauty Competitions: ఘనంగా మిస్సెస్‌ వైజాగ్‌-2023 అందాల పోటీలు.. క్యాట్‌ వాక్‌లో 'చీరే'శారుగా!

Misses Vizag-2023 Beauty Competitions:విశాఖ జిల్లా భీమిలి బీచ్ తిమ్మాపురంలో మిస్సెస్ వైజాగ్-2023 అందాల పోటీలు ఆకట్టుకున్నాయి. ఫిల్మ్ నగర్ కల్చరల్ క్లబ్ అండ్ హేంఫ్సైర్ ఆధ్వర్యంలో నిర్వహించిన ఈ కార్యక్రమంలో 26 మంది మగువలు పోటీపడ్డారు. ఈ పోటీలకు ముఖ్యఅతిథిగా వైజాగ్ ఫిలింనగర్ కల్చరల్ క్లబ్ అధ్యక్షుడు కాయల వెంకట కృష్ణారెడ్డి హాజరయ్యారు. న్యాయ నిర్ణేతలుగా డాక్టర్ సునీతి, డాక్టర్ సునీత ప్రశాంతి వ్యవహరించారు. ర్యాంపుపై శారీ వాక్‌, క్యాట్‌ వాక్‌లతో ముద్దుగుమ్మలు అదరగొట్టారు. 

క్వశ్చన్ రౌండ్​లో మిస్సెస్ వైజాగ్ 2023‌ విజేతగా సాక్షి బజాజ్ ఎన్నికైంది. ఫస్ట్ రన్నరప్​గా లక్కీ, సెకెండ్ రన్నరప్​గా సవిత ఎన్నికయ్యారు. మొదటి స్థానంలో నిలిచిన వారికి శ్రీలంక టూర్​, ద్వితీయ, తృతీయ స్థానాల్లో గెలుపొందిన వారికి నేపాల్ టూర్ ఉంటుందని ఫిల్మ్ నగర్ కల్చరల్ క్లబ్ అధ్యక్షుడు కాయల వెంకట కృష్ణారెడ్డి తెలిపారు. కార్యక్రమంలో క్లబ్ మెంబర్ ఎంఎస్ఎం రాజు, సంయుక్త కార్యదర్శి ఎన్​ఆర్​కే రెడ్డి, అడ్మినిస్ట్రీస్ సన్ చైర్మన్ కంటిపూడి వెంకటేశ్వర్లు, ఈవెంట్ మేనేజర్ వాసు తదితరులు పాల్గొన్నారు.