చరిత్రకారులు విస్మరించిన వీరవనితలు - ఈ 'మిణుగురులు'

Minugurulu book introduction meeting :మట్టి తల్లులే అసలైన చరిత్ర నిర్మాతలు అనే నేపథ్యంలో సాగిన మిణుగురులు పుస్తకాన్ని.. ఆచార్య నాగార్జున విశ్వవిద్యాలయంలోని ఆర్ట్స్, కామర్స్ & లా కళాశాల ప్రిన్సిపాల్​గా పనిచేస్తున్న ప్రొఫెసర్ చల్లపల్లి స్వరూప రాణి రచించారు. ఈ పుస్తక పరిచయ సభకు సావిత్రిబాయి పూలే ఎడ్యుకేషన్ చారిటబుల్ ట్రస్ట్​ వేదికైంది. అప్పటి సమాజంలో ఉన్న సామాజిక, ఆర్థిక అసమానతలపై, కుల, మత ఛాందసంపై, అధిపత్య సంస్కృతి లపై పోరాడిన మహిళలను చరిత్రకారులు విస్మరించారని స్వరూప రాణి తెలియజేశారు.

చరిత్రకారులు, ఉద్యమకారులు, స్త్రీ వాదులు, కమ్యూనిస్ట్​లు గుర్తించని.. 26 మంది వీరవనితల గురించి.. మిణుగురుల పుస్తకం వివరిస్తుందని ఆమె తెలిపారు. ఈ కార్యక్రమానికి అడ్వకేట్ జహా ఆరా అధ్యక్షతన నిర్వహించారు. ఇందుకు ముఖ్యఅతిధిగా ఉక్కు కర్మాగారం సీవీఓ డాక్టర్ ఎస్ కరుణరాజు హాజరయ్యారు. ఈ కార్యక్రమంలో సావిత్రిబాయి పూలే ఎడ్యుకేషన్ ట్రస్ట్ నిర్వాహకురాలు డాక్టర్ సీతామహాలక్ష్మి, డాక్టర్ మాటూరి శ్రీనివాస్, బెందాళం కృష్ణారావు, పీఓడబ్ల్యూ రాష్ట్ర ప్రధాన కార్యదర్శి లక్ష్మి, స్త్రీ శక్తి నాయకురాలు లలిత, బండి సత్యనారాయణ తదితరులు పాల్లొన్నారు.