Massive letters of solidarity to Chandrababu: చంద్రబాబుకు మద్దతుగా.. రాజమండ్రి పోస్టాఫీసుకు పోటెత్తుతున్న లేఖలు.. తలపట్టుకుంటున్న అధికారులు - రాజమండ్రి పోస్టాఫీసుకు లేఖలు

Massive letters of solidarity to Chandrababu: చంద్రబాబు అరెస్టును ఖండిస్తూ ఆయనకు మద్దతుగా భారీ సంఖ్యలో ఉత్తరాలు రాజమండ్రి జైలు పోస్టాఫీసుకు వస్తున్నాయి. లక్షల్లో వస్తున్న ఈ లేఖలను చూసి.. అధికారులు విస్తుపోతున్నారు. ప్రభుత్వ కుట్రలను ప్రస్తావిస్తూ మీకే మా మద్దతంటూ..వివిధ వర్గాల ప్రజలు లేఖలు జైలు పోస్టాఫీసుకు చేరుతున్నాయి. దూరదృష్టితో చంద్రబాబు రాష్ట్రంలో చేపట్టిన పాలనతో తాము ఎలా లబ్ది పొందామో.. లేఖలో ప్రస్తావిస్తున్నారు. భవిష్యత్ గురించి ఆలోచించే చంద్రబాబును కుట్రతోనే అధికార పార్టీ జైలుకు పంపిందని.. అభిమానులు లేఖల్లో ప్రస్తావిస్తున్నారు. 

రాజమండ్రి పోస్టాఫీసుకు లేఖలు:  విదేశీ విద్య, చంద్రన్న భీమా, అన్న క్యాంటీన్, సీఎంఆర్ఎఫ్ సాయంపై లేఖల్లో ప్రస్తావించారు. తెలుగుదేశం హయాంలో రాష్ట్రానికి వచ్చిన పెట్టుబడులు తద్వారా తమకు ఉద్యోగాలు వచ్చిన వైనంపై లేఖల్లో వివరించారు. వివిధ కార్పొరేషన్ల ద్వారా తమకు జరిగిన లబ్దిని వివరిస్తూ ప్రజలు లేఖలు (letters) రాస్తున్నారు. రాజమండ్రి పోస్టాఫీసుకు పోస్టు కార్డులు, రిజస్టర్ పోస్టులు, స్పీడ్ పోస్టుల ద్వారా రోజూ వేల సంఖ్యలో లేఖలు వస్తున్నాయి. అవినీతి ఆరోపణలు నమ్మడం లేదని అరెస్టు రాజకీయ కుట్ర అంటూ ప్రజలు తమ అభిప్రాయాలు చెపుతున్నారు. తనకు వచ్చిన లేఖలను చంద్రబాబు స్వయంగా చదువుతున్నారని టీడీపీ (TDP) వర్గాలు వెల్లడించాయి.