జోరుగా లోకేశ్​ పాదయాత్ర.. భారీగా పాల్గొంటున్న ప్రజలు - ఏపీ తాజా వార్తలు

తెలుగుదేశం పార్టీ జాతీయ ప్రధాన కార్యదర్శి నారా లోకేశ్‍ యువగళం పాదయాత్ర జోరుగా కొనసాగుతోంది. పాదయాత్రలో రోజురోజుకు భారీగా ప్రజలు పాల్గొంటున్నారు. వెళ్లిన ప్రతిచోట ప్రజలు బ్రహ్మరథం పడుతున్నారు. లోకేశ్​ ప్రతి ఒక్కరినీ పలకరిస్తూ.. వారి సమస్యలను అడిగి తెలుసుకుంటున్నారు. అన్ని సామాజికవర్గాలు, యువతతో మాట్లాడుతూ.. టీడీపీ అధికారంలోకి వచ్చిన తర్వాత ప్రతి సమస్యను పరిష్కరిస్తామని హామీ ఇస్తున్నారు.  అదేవిధంగా వైసీపీ ప్రభుత్వం చేస్తున్న మోసాలు.. జగన్​ హామీ ఇచ్చి నెరవేర్చని విషయాలను ప్రజల్లోకి తీసుకెళ్తున్నారు. ఇదే సమయంలో సీఎం జగన్​కు లోకేశ్​ సవాళ్లు విసురుతున్నారు. కంచుకోటలో గెలిచి గొప్పలు చెప్పుకోవడం కాదని.. పార్టీ గెలవని చోట పోటీ చేసి గెలిచే సత్తా జగన్‌కు ఉందా అని లోకేశ్‌ సవాల్‌ విసిరారు. టీడీపీకి ఏ మాత్రం పట్టులేని మంగళగిరి వచ్చే ఎన్నికల్లో గెలిచి కంచుకోటగా మారుస్తా అని ధీమా వ్యక్తం చేశారు. 36వ రోజు అన్నమయ్య జిల్లా పీలేరు నుంచి ప్రారంభమైన యువగళం పాదయాత్ర కలికిరికి చేరింది. లోకేశ్​ పాదయాత్రలో భారీ ఎత్తున ప్రజలు పాల్గొన్నారు.