kiren Rijiju Met CM Jagan: సీఎం జగన్‌తో కేంద్రమంత్రి కిరణ్ రిజిజు భేటీ - సీఎం జగన్‌తో కేంద్రమంత్రి కిరణ్ రిజిజు భేటీ

kiren rijiju met cm jagan: ముఖ్యమంత్రి వైఎస్ జగన్‌తో  కేంద్ర మంత్రి కిరణ్‌ రిజిజు భేటీ అయ్యారు. తాడేపల్లిలోని సీఎం నివాసంలో ఆయన సమావేశమయ్యారు. అధికార పర్యటన కోసం రాష్ట్రానికి వచ్చిన కేంద్ర మంత్రి.. సీఎం జగన్​ను కలిసి పలు అంశాలపై చర్చించారు. ఈ కార్యక్రమంలో మచిలీపట్నం ఎంపీ బాలశౌరి పాల్గొన్నారు. వీరిది మర్యాదపూర్వక భేటీగా సీఎంవో వర్గాలు తెలిపాయి. కృష్ణా జిల్లా మచిలీపట్నంలో మత్స్యకారులకు అవగాహన సదస్సు నిర్వహించారు. ఈ కార్యక్రమంలో ముఖ్య అతిథిగా కేంద్ర మంత్రి కిరణ్ రిజిజు, ఎంపీ బాలశౌరి, మంత్రి జోగి రమేష్, మత్స్యకార సంఘ నాయకులు తదితరులు పాల్గొన్నారు. మత్స్యకారులకు సముద్రంలో ఏ విధంగా చేపల వేట చేయాలి.. ఏ ప్రదేశంలో ఎక్కువగా మత్స్యసంపద లభ్యమవుతాయి అనే విషయాలను తెలియజేశారు. సముద్రంలో అలల ఉద్దృతి ఏ విధంగా ఉందో.. ఎప్పటికప్పుడు సమాచారం తెలుసుకునే విధంగా భారత ప్రభుత్వం యాప్​లను తయారుచేసి మత్స్యకారులకు అందుబాటులోకి తీసుకురావడం జరిగిందని కిరణ్ రిజిజు తెలిపారు. అదే విధంగా కొత్త టెక్నాలజీతో బోట్లను తీసుకురావడం వలన మత్స్యకారులకు ఎంతగానో ఉపయోగపడుతుందన్నారు. మత్స్యకారుల సంక్షేమం కోసం కేంద్ర, రాష్ట్ర ప్రభుత్వాలు సంయుక్తంగా పని చేస్తున్నాయని అన్నారు.