Janasena Chief Pawan Kalyan Varahi Yatra: అక్టోబర్ 1 నుంచి మొదలు కానున్న పవన్ వారాహి యాత్ర.. పొత్తు ప్రకటన అనంతర యాత్రపై సర్వత్రా ఆసక్తి - అక్టోబర్ 1 నుంచి మొదలు కానున్న పవన్ వారాహి యాత్ర

 Janasena Chief Pawan Kalyan Varahi Yatra: జనసేన అధినేత పవన్ కల్యాణ్.. మలివిడత వారాహి యాత్ర ఖరారైంది. అక్టోబర్ 1 నుంచి పవన్ కల్యాణ్ నాలుగో విడత వారాహి యాత్ర చేపట్టనున్నారు. ఈ మేరకూ  జనసేన రాజకీయ వ్యవహారాల కమిటీ ఛైర్మన్ నాదెండ్ల మనోహర్ ప్రకటించారు. ఉమ్మడి కృష్ణా జిల్లాలో ఈ విడత.. వారాహి యాత్ర సాగనుండటంతో స్థానిక నేతలతో నాదెండ్ల మనోహర్ ... టెలీకాన్ఫరెన్స్ నిర్వహించారు. అవనిగడ్డలో వారాహి యాత్ర సభ జరుగుతుందని తెలిపారు. మచిలీపట్నం, పెడన, కైకలూరు నియోజక వర్గాల మీదుగా యాత్ర సాగుతుందని నాదెండ్ల వెల్లడించారు. యాత్రను విజయవంత చేయాల్సిందిగా జనసేన (Janasena) కార్యకర్తలను కోరారు. ఏర్పాట్లకు సంబంధించి తీసుకోవాల్సిన జాగ్రత్తలపై చర్చించారు. ఇప్పటికే జనసేన వారాహి యాత్రతో ప్రజల్లో ప్రభుత్వ విధానాలపై అవగాహన కల్పిస్తున్న పవన్ కల్యాణ్ (Pawan Kalyan)... తాజాగా తెలుగుదేశం పార్టీతో పొత్తు, వైసీపీ అక్రమ అరెస్ట్​లపై ప్రజలకు, కార్యకర్తలకు అవగాహన కల్పించే ప్రయత్నం చేయనున్నట్లు తెలుస్తోంది.