Green Field Port Rehabilitation Victims గ్రీన్ ఫీల్డ్ పోర్టు వాహనాలను అడ్డుకున్న గ్రామస్థులు..! అరెస్టు చేసిన పోలీసులు.. - పోర్టు వాహనాలను అడ్డుకుని గ్రామస్థుల నిరసన

People Block Green Field Port Lorries : శ్రీకాకుళం జిల్లా సంతబొమ్మాళి మండలం మూలపేట గ్రామంలో బుధవారం ఉద్రిక్త పరిస్థితి నెలకొంది. గ్రీన్​ ఫీల్డ్ పోర్టు నిర్మాణ పనుల కోసం రాళ్లను తీసుకెళ్తున్న భారీ వాహనాలను గ్రామస్థులు అడ్డుకున్నారు. పోర్టు కోసం సేకరించిన భూమికి, ఇళ్లు, పరిహారం ఇస్తామన్న నేతలు ఇంకా ఇవ్వకుండానే పనులు చేపట్టారని ఆగ్రహం వ్యక్తం చేశారు. అదేవిధాంగ మితిమీరిన లోడుతో లారీలు తిరగడంతో రహదారులు ఛిద్రమవుతున్నాయని ఆందోళన చేశారు. ఇటీవల పోర్టు వాహనం ఢీకొని తీవ్రంగా గాయపడిన వ్యక్తి కుటుంబానికి యజమాన్యం న్యాయం చేయాలని గ్రామస్థులు కోరారు. నిర్వాసిత కాలనీని అనువైన ప్రదేశానికి మార్చడంతో పాటు నిర్వాసితులకు ఇచ్చిన హామీలు నెరవేర్చాలని గ్రామస్థులు ప్రభుత్వాన్ని డిమాండు చేశారు. గ్రామంలో నిర్వాసితులకు ఉపాధి కల్పించడంలేదని, స్థానికేతరులకే కల్పిస్తున్నారని ఆరో పించారు. తమకు ఉపాధి, సమస్యలు పరిష్కరించేవరకు వాహనాలను వదిలేది లేదన్నారు. సమాచారం అందుకున్న పోలీసులు సంఘటనా స్థలానికి చేరుకుని ఆందోళనకారుల్ని అదుపులోకి తీసుకుని స్టేషన్‌కి తరలించారు.