చాక్​పీస్ కొనడానికీ డబ్బుల్లేవు - ప్రభుత్వం నిధులు ఇవ్వడం లేదంటూ ఉపాధ్యాయుల ఆందోళన

Government School Teachers Protest In Nellore District :పాఠశాల నిర్వహణ నిధులు ఇవ్వాలంటూ నెల్లూరు జిల్లా ఆత్మకూరులో ప్రధానోపాధ్యాయులు నల్ల బ్యాడ్జీలతో నిరసనకు దిగారు. పాఠశాల నిర్వహణ చాలా భారంగా ఉందని కనీసం తరగతిలో చాక్‌ పీసులు, పేపర్స్‌ కొనడానికి కూడా ప్రభుత్వం నిధులు మంజూరు చేయటం లేదని ఉపాధ్యాయులు వాపోయారు. ప్రతీ వస్తువు సొంత డబ్బులు వెచ్చించి కొనుగోలు చేయాల్సి వస్తుందని ఆవేదన వ్యక్తం చేశారు.

Government Schools Techers Problems :గతంలో స్కూల్‌  స్టేషనరీకి ప్రభుత్వం నిధులు అందించేదని గుర్తుచేశారు. పాఠశాలలకు రావాల్సిన నిధులు ప్రభుత్వం తక్షణమే విడుదల చేయాలని డిమాండ్‌ చేశారు. ఈ కార్యక్రమంలో జిల్లా హెచ్ఎం అసోసియేషన్ అధ్యక్షుడు భాస్కర్ రెడ్డి సహా 9 మండలాల విద్యాశాఖ అధికారులు, ప్రధానోపాధ్యాయులు పాల్గొన్నారు. ఈ సందర్భంగా ఉపాధ్యాయులు మాట్లాడుతూ లక్షలకు లక్షలు సొమ్ము తాము ఖర్చుపెట్టలేమని ఆవేదన వ్యక్తం చేశారు. ఇప్పటికే  అన్ని ఖర్చులు తామే భరిస్తున్నామని తెలిపారు.