దిగి వచ్చిన నగరపాలక సంస్థ - చెత్తపన్నును సగానికి తగ్గింపు - కర్నూలు నగరానికి నీటి సమస్య

Garbage Tax reduce in kurnool : కర్నూలు నగరపాలక సంస్థ పరిధిలో చెత్తపన్నును సగానికి తగ్గిస్తున్నట్లు మేయర్ బీవై రామయ్య తెలిపారు. చెత్త పన్ను కట్టేందుకు ప్రజలు ఇబ్బందులు పడుతున్నట్లు తమ దృష్టిని వచ్చిందని తెలియజేశారు. ఈ నేపథ్యంలో... మురికివాడల్లో ఇంటికి రోజుకు ఒక రూపాయి, మిగిలిన ప్రాంతాల్లో 2 రూపాయల చొప్పున చెత్తపన్ను వసూలు చేయనున్నట్లు రామయ్య సృష్టం చేశారు. నగరం పరిశుభ్రంగా ఉండాలని స్వచ్ఛ సర్వేక్షణ్​లో భాగంగా.. కేంద్ర ప్రభుత్వం సూచించిన మేరకే ఈ నిర్ణయం తీసుకున్నట్లు పేర్కొన్నారు.  చెత్తపన్నును సగానికి తగ్గించడం వల్ల స్వచ్ఛ సర్వేక్షణ్ ర్యాంక్​లో మెరుగైన స్థానం పొందవచ్చని ఆశాభావం వ్యక్తం చేశారు.

కర్నూలు నగరానికి నీటి సమస్య ఉండబోదని.. కమిషనర్​ భార్గవ్ తేజ తెలిపారు. కొత్త వాటర్ ప్లాంట్​తో నీటి సమస్య తగ్గిందని పేర్కొన్నారు. సుంకేసులకు తుంగభద్ర నుంచి వరద నీరు వస్తోందనియ, గాజుల దిన్నె ప్రాజెక్ట్ లోనూ నీటిని నిల్వ చేసినట్లు వివరించారు. కర్నూలు నగరపాలక సంస్థలో నిర్వహించిన విలేకరుల సమావేశంలో ఇరువురు ఈ విషయాలను వెల్లడించారు.​