Ganta Srinivasa Rao Protest Against CBN Arrest : తెలంగాణ ఎన్నికల్లో చంద్రబాబు ప్రభావం ఉంటుంది : గంటా శ్రీనివాసరావు

Ganta Srinivasa Rao Protest Against CBN Arrest: తెలంగాణ ఎన్నికల్లో గెలుపు నిర్ణయాత్మక శక్తి చంద్రబాబేనని.. ఎన్నికల్లో కచ్చితంగా ఆయన ప్రభావం ఉంటుందని మాజీ మంత్రి గంటా శ్రీనివాసరావు అన్నారు. విశాఖ జిల్లాలోని అక్కయ్యపాలెంలో చంద్రబాబు అరెస్ట్​ను వ్యతిరేకిస్తూ.. కాగడలతో నిరసన చేపట్టారు. ఈ సందర్భంగా మాట్లాడుతూ.. చంద్రబాబుకు ఒక్క ఏపీలోనే కాదు యావత్ దేశంలోనూ అభిమానులు ఉన్నారన్నారు.

గతంలో చాలా మంది ముఖ్యమంత్రులు, కేంద్రమంత్రలు అరెస్టు అవ్వటం చూశాం.. కానీ, ఎప్పుడు ఎవరికి లేని స్పందన.. చంద్రబాబు నాయుడుకు ప్రజలు నుంచి వస్తోందని అన్నారు. టీడీపీ, జనసేన పొత్తు పెట్టుకుంటే.. వైసీపీ నేతలకు ఉలికిపాటు ఎందుకని గంటా శ్రీనివాసరావు ప్రశ్నించారు. టీడీపీ, జనసేన కలిసి తీసుకునే నిర్ణయాలు.. తెలంగాణ ఎన్నికల్లో తీవ్ర ప్రభావం చూపిస్తుందని అన్నారు. సీఎం జగన్ చెప్తున్నట్టు టీడీపీ, జనసేనలు కలిస్తే సున్నలొస్తాయో.. లేక నంబర్లు వస్తాయో ఎన్నికలో తెలుస్తుందని అన్నారు. అలానే రాష్ట్ర ప్రజలు జగన్​ను వద్దని అంటున్నారని గంటా చెప్పారు.