స్నేహితుల మధ్య చిచ్చురేపిన 'సెల్​ఫోన్ తాకట్టు' - ఘర్షణలో యువకుడు మృతి - సెల్ ఫోన్ కోసం మిత్రుడిని హత్య

Controversy Caused by Cell Phone : ఒక సెల్​ఫోన్ ఇద్దరు మిత్రుల మధ్య వివాదానికి కారణమైంది. ఈ వివాదంలో.. ఓ మిత్రుడు ప్రాణాలు కోల్పోయాడు. ఈ సంఘటన పూర్తి వివరాలివీ.. కృష్ణా జిల్లా గుడివాడలో రెడ్డి శ్రీను అనే వ్యక్తి తన స్నేహితుడు సతీష్ దగ్గర సెల్​ఫోన్​ను తాకట్టు పెట్టి డబ్బు తీసుకున్నాడు. డబ్బు తిరిగి ఇస్తాను తన సెల్​ఫోన్ ఇవ్వాల్సిందిగా ఎన్ని సార్లు కోరినా సతీష్ స్పందించకపోవడంతో.. రెడ్డి శ్రీను గొడవ పెట్టుకున్నాడు. అది కాస్తా పెద్దదై.. రెడ్డి శ్రీను, సతీష్​పై చేయి చేసుకోవడంతో అతడు అక్కడికక్కడే నేలకొరిగాడు. 

ఘటన సమయంలో అక్కడే ఉన్న మరికొందరు మిత్రులు సతీష్​ను గుడివాడ ఏరియా హాస్పిటల్​కు తరలించారు. వైద్యులు అతన్ని పరీక్షించి.. అప్పటికే మృతి చెందినట్టు ధ్రువీకరించారు. సతీష్ మృతదేహం చూసి కుటుంబ సభ్యులు శోక సముద్రంలో మునిగిపోయారు. కుటుంబ సభ్యులు తెలిపిన సమాచారం మేరకు.. పోలీసులు కేసు నమోదు చేసి దర్యాప్తు చేపట్టారు.