హత్యలే కాదు - ఆత్మహత్యలు చేసుకునేలా వైసీపీ ప్రభుత్వం వేధిస్తోంది : శాసనమండలి మాజీ ఛైర్మన్​ షరీఫ్

Attacks on Minorities During YCP Government : హత్యలు చేయడమే కాకుండా ఆత్మహత్య చేసుకునే పరిస్థితిని వైసీపీ నాయకులు కల్పిస్తురని  శాసనమండలి మాజీ ఛైర్మన్​ షరీఫ్ మండిపడ్డారు. గుంటూరు జిల్లాలో ఎంపీ నందిగం సురేష్​ అనుచరుల వేధింపులు తాళలేక నౌషద్​ అనేె వ్యక్తి ఆత్మహత్యకు యత్నించారని ఆగ్రహం వ్యక్తం చేశారు. ఇసుక రీచ్​ కోసం సురేష్​ అనుచరుడు రేపల్లె సన్నీ రూ.25 లక్షల అప్పు తీసుకుని మోసం చేశాడని వ్యాఖ్యానించారు. దీంతో నౌషద్​ కుటుంబ సభ్యులు ఫిర్యాదు చేయడంతో నందిగం సురేష్​ నుంచి వీరికి బెదిరింపులు వచ్చాయని తెలిపారు.

MP who Threatened the Young Man :నందిగం సురేష్​ నుంచి బెదిరింపులు రావడంతో మనస్థాపనికి గురైన నౌషద్​ గురువారం ఆత్మహత్య చేసుకోవడానికి ప్రయత్నించాడు. కుటుంబ సభ్యులు అతన్ని గుంటూరులోని లలిత ఆస్పత్రిలో చేర్పించారు. చికిత్స పొందుతున్న నౌషద్​ను షరిఫ్​, గుంటూరు తూర్పు ఇన్​ఛార్జ్​ నసీర్​ పరామర్శించారు. తరచూ ఇలాంటి ఘటనలు జరుగుతున్నా పోలీసులు స్పందించటం లేదని షరిఫ్​ ధ్వజమెత్తరు. వైసీపీ ప్రభుత్వంలో ముస్లింలపై వేధింపులు, దాడులు పెరిగిపోయాయని ఆగ్రహం వ్యక్తం చేశారు.