Ashok Gajapathi Raju on CM Jagan: జగన్ కేంద్రం మెడలు వంచుతానని తన మెడలు వంచుతున్నారు: అశోక గజపతిరాజు - Central Institutions to come to AP

Ashok Gajapathi Raju Comments on Jagan:కేంద్రం మెడలు వంచి ప్రత్యేక హోదా హామీలు అమలు చేయిస్తానన్న జగన్.. సాధించింది శూన్యమని తెలుగుదేశం నేత అశోక గజపతి రాజు మండిపడ్డారు. రాష్ట్రానికి తీసుకురావాల్సిన 14 కేంద్ర సంస్థల విషయంలోనూ వైసీపీ నిర్లక్ష్యం చేసిందన్నారు. గిరిజన విశ్వవిద్యాలయం శంకుస్థాపన పేరుతో ప్రజలను మభ్యపెట్టడం సరికాదన్నారు. పాచిపెంట ప్రాంతంలో మాన్సాస్ ట్రస్ట్​కు చెందిన భూమిని తన తండ్రి స్వర్గీయ పీవీజీ రాజు కేంద్రీయు గిరిజన విశ్వవిద్యాలయానికి ప్రతిపాదించినా అప్పట్లో నోచుకోలేదని  గజపతిరాజు విచారం వ్యక్తం చేశారు. ఆ భూమి విషయంలో అప్పట్లో ఏ రాజకీయ పార్టీ నాయకుడు వ్యతిరేకించ లేదు. కానీ విశాఖ విమానాశ్రయం నుంచి రెండు గంటల్లో చేరే విధంగా గిరిజన యూనివర్సిటీ వుండాలని అప్పట్లో కేంద్ర బృందం తిరస్కరించినట్లు తన బంగ్లా నుంచి విడుదల చేసిన వీడియోలో అశోక్ పేర్కొన్నారు. తిరిగి విశాఖలో ఆంధ్ర విశ్వవిద్యాలయం ఏర్పాటు సందర్భంగా కేంద్ర మంత్రిగా నేను ప్రయత్నం చేసినా సఫలం కాలేదన్నారు. తర్వాత కొత్తవలస మండలం రెల్లి గ్రామంలో గిరిజనులకు చెందిన భూమిని సేకరించి కేంద్ర ప్రభుత్వానికి అప్పగించామన్నారు.