AP Anganwadi Workers Demands సెప్టెంబర్ 25న మహాధర్నాకు పిలుపు ఇచ్చిన అంగన్వాడీ వర్కర్స్,హెల్పర్స్ యూనియన్ల - అంగన్వాడీ ప్రధాన కార్యదర్శి సుబ్బరావమ్మ న్యూస్
By ETV Bharat Andhra Pradesh Team
Published : Sep 19, 2023, 5:00 PM IST
AP Anganwadi Workers Demands: అంగన్వాడీల సమస్యల పరిష్కారానికై రాష్ట్రంలోని మూడు అంగన్వాడీ వర్కర్స్, హెల్పర్స్ యూనియన్ల అధ్వర్యంలో సెప్టెంబర్ 25వ తేదీన విజయవాడలో మహాధర్నా నిర్వహిస్తున్నట్లు అంగన్వాడీ ప్రధాన కార్యదర్శి కే.సుబ్బరావమ్మ తెలిపారు. విజయవాడలో నిర్వహించిన మీడియా సమావేశంలో ఆమె మాట్లాడుతూ..సెప్టెంబర్ 21వ తేదీ నుంచి ఆంధ్రప్రదేశ్లో జరుగబోయే అసెంబ్లీ సమావేశాల సందర్భంగా.. అంగన్వాడీ వర్కర్స్, మినీ వర్కర్స్, హెల్పర్స్.. అందరినీ ప్రభుత్వ ఉద్యోగులుగా గుర్తించాలని, వారికి కనీస వేతనాలు చెల్లించాలని ప్రభుత్వాన్ని డిమాండ్ చేస్తున్నామన్నారు. ఎఫ్ఆర్ఎస్ ఫేస్ రికగ్నైజ్డ్ యాప్తో పాటు వివిధ రకాల యాప్లను రద్దు చేసి.. ఒకే యాప్ ద్వారా విధులు నిర్వహించే విధంగా చేయాలన్నారు. ప్రభుత్వ ఉద్యోగుల మాదిరి రిటైర్మెంట్ వయసును 62 సంవత్సరాలకు పెంచాలని డిమాండ్ చేశారు. ఆఖరి వేతనంలో 50% పెన్షన్గా ఇవ్వాలని, తమ సమస్యలు తక్షణమే పరిష్కరించాలని కోరుతూ ఐక్య కార్యాచరణలోని పై మూడు సంఘాలు ఉద్యమానికి పిలుపు నిస్తున్నాయన్నారు.