వైఎస్​ కోసం ఆయన కుటుంబం ఏం చేసింది ? : ఆనం వెంకట రమణా రెడ్డి - ఆనం వెంకటరమణారెడ్డి ఆన్ వైసీపీ లీడర్స్

Anam Venkataramana Reddy comments on Jagan:వైఎస్​ఆర్‌ సీఎం కాకముందు ఆయన కుమారుడు జగన్‌ ఆర్థిక పరిస్థితి అందరికీ తెలుసని తెలుగుదేశం పార్టీ నేత ఆనం వెంకటరమణారెడ్డి  విమర్శించారు. వైఎస్ రాజశేఖర్ రెడ్డి సీఎం అయ్యాకే జగన్‌ ఎదిగారని చెప్పారు. నెల్లూరులో నిర్వహించిన మీడియా సమావేశంలో ఆనం వెంకటరమణారెడ్డి మాట్లాడుతూ జగన్​పై విమర్శలు గుప్పించారు. మనమంతా జగన్‌, షర్మిలకు వైఎస్‌ఆర్‌ (YSR) అంటే ఎంతో ప్రేమ అనుకుంటాం, అయితే, రాజశేఖర్‌ రెడ్డి చనిపోయాక ఆయన కోసం వైఎస్‌ కుటుంబం ఏం చేసింది ? అని ప్రశ్నించారు. గత ఎన్నికల్లో వైసీపీ (YCP) కోసం పని చేసిన ఎన్నికల వ్యూహకర్త ప్రశాంత్‌ కిషోర్‌ తప్పు తెలుసుకొని, ఏపీ సర్వనాశనమైందని బాధపడుతున్నారని ఆనం వెల్లడించారు.  

వైఎస్ఆర్ పేరుతో  జగన్ (Jagan) మాత్రం ఆర్థికంగా, రాజకీయంగా ఎదిగారని ఆనం వెంకటరమణారెడ్డి విమర్శించారు. రాజశేఖర్ రెడ్డి పుణ్యమా అని, ఆయన కుటుంబం మాత్రమే అన్ని విధాలా లబ్ధి పొందారని విమర్శించారు. ఏపీలో ఎలాంటి స్కీంలు పెట్టినా వైఎస్ఆర్ పేరు పెట్టడానికి ప్రజలకు సంబంధించిన పథకాలే అని, జగన్, వైఎస్ కోసం ఆయన కుటుంబం వ్యక్తిగతంగా ఒక్క రూపాయి కూడా ఖర్చుపెట్టలేదని ఆనం ఆరోపించారు.