3K Run in Vijayawada 2023: ఆంధ్ర క్రికెట్ ప్రతిష్ఠను పెంచే లక్ష్యంతో 3 కిలోమీటర్ల పరుగు

3K Run in Vijayawada 2023: ఆంధ్ర క్రికెట్ ప్రతిష్టను పెంచాలనే లక్ష్యంతో ఆంధ్ర క్రికెట్​ అసోసియేషన్​ ఆధ్వర్యంలో విజయవాడలో 3 కిలోమీటర్ల పరుగు నిర్వహించారు. విజయవాడలోని ఇందిరాగాంధీ మున్సిపల్​ మైదానం నుంచి ఈ పరుగు ప్రారంభించారు. భారత్ క్రికెట్ కంట్రోల్ బోర్డు ఉపాధ్యక్షులు జి.గంగరాజు, ACA సభ్యులతో పాటు క్రీడాకారులు ఈ పరుగులో పాల్గొన్నారు. రెండు రోజులపాటు ఆంధ్ర క్రికెట్ అసోసియేషన్ ఆధ్వర్యంలో మన ఆంధ్ర మన ఏపీఎల్(APL) పేరిట రాష్ట్ర వ్యాప్తంగా క్రికెట్ రన్ నిర్వహిస్తున్నట్లు చెప్పారు. భారత క్రికెట్​కు ప్రాతినిధ్యం వహించిన హనుమ విహారి, అనూష, కేఎస్ భరత్, మహిళా క్రికెటర్లలో స్నేహ దీప్తి సేవలను ఈ సందర్భంగా ప్రస్తావించారు. రేపు విశాఖ సాగర తీరంలో మెగా పరుగు కార్యక్రమం జరగనుందని.. జాతీయ, అంతర్జాతీయ క్రికెట్‌ క్రీడాకారులు పాల్గొంటారని చెప్పారు. 

APL Schedule Released: మరోవైపు రాష్ట్రంలో ఆంధ్ర ప్రీమియర్ లీగ్ (ఏపీఎల్) షెడ్యూల్​ విడుదలైంది. ఈ లీగ్​ ఈ నెల 16వ తేదీ నుంచి 27వ తేదీ వరకు జరగనుంది. ఆ టోర్నీలో మొత్తం ఆరు టీమ్స్ తలపడనున్నాయి. జట్లు ఆడే గేమ్​లు కూడా విశాఖలోని డాక్టర్ వైఎస్సార్ ఏసీఏ - వీడీసీఏ స్టేడియంలో జరగనున్నాయి.