పదిహేను వందల అడుగుల మువ్వన్నెల జెండా

పదిహేను వందల అడుగుల మువ్వన్నెల జెండా... ముద్దులొలికే చిన్నారుల చిట్టి చేతులపై అందంగా కదిలింది. భారత్ మాతాకీ జై అంటూ తమ మృదుమైన స్వరంతో నినాదాలు చేస్తూ.. దేశభక్తిని చాటుకున్నారు. నలువీధులా వయ్యరంగా కదులుతున్న ఈ త్రివర్ణ పతాకం... అనంతపురం జిల్లా రొద్దం మండల కేంద్ర పురవిధుల్లో కనిపించింది. 72వ గణతంత్ర దినోత్సవం పురస్కరించుకొని సామాజికవేత్త దొంతి లక్ష్మీ నారాయణ గుప్తా ఆధ్వర్యంలో ఈ భారీ జాతీయ జెండాను ప్రదర్శించారు. జిల్లా పరిషత్ ఉన్నత పాఠశాల విద్యార్థులతో కలిసి ఈ ప్రదర్శన నిర్వహించారు.