వాహనాల రాకపోకల సమయాల్లో మార్పులు

కడప జిల్లా సిద్దవటం, అట్లూరు ప్రాంతాల్లో వాహనాల రాకపోకల సమయాల్లో మార్పులు చేశారు. ప్రయాణికుల ఇబ్బందుల దృష్ట్యా ఎంపి అవినాష్​రెడ్డి అటవీ శాఖ ఉన్నతాధికారులతో చర్చించి ఈ మేరకు నిర్ణయం తీసుకున్నారు.

కడప జిల్లా సిద్దవటం, అట్లూరు అటవీ ప్రాంతంలో వాహనాల రాకపోకల సమయాన్ని సడలించారు. ఈ మేరకు వన్యప్రాణి సంరక్షణ శాఖ ఉన్నతాధికారులు ఉత్తర్వులు జారీ చేశారు. ప్రయాణికుల సౌలభ్యం కోసం ఉదయం ఐదున్నర గంటల నుంచి.. అలాగే రాత్రి 10 గంటల వరకు వాహనాలను అనుమతిస్తారు. గతంలో ఉదయం 6 గంటలకు.. రాత్రి 9 గంటల వరకే వాహనాలను అనుమతించేవారు. ప్రయాణికుల ఇబ్బందులను దృష్టిలో ఉంచుకుని ఎంపీ అవినాష్ రెడ్డి అటవీ శాఖ ఉన్నతాధికారులతో చర్చించి వాహనాల రాకపోకల సమయాల్లో మార్పులు చేయించారు.

ఇవీ చూడండి...