మైలవరం నుంచి పెన్నాకు నీరు విడుదల

ఎగువ ప్రాంతాల్లో కురుస్తున్న వర్షాలకు... మైలవరం జలాశయం కళకళలాడుతోంది. దీంతో పెన్నా నదికి నీటిని విడుదల చేశారు.

కడప జిల్లా మైలవరం జలాశయం నుంచి పెన్నా నదికి నీటిని విడుదల చేశారు. గండికోట జలాశయం నుంచి 2500 క్యూసెక్కుల నీటిని మైలవరం జలాశయానికి వదిలారు. ఎగువ నుంచి వరద ప్రవాహం ఎక్కువ ఉంది. ఫలితంగా రిజర్వాయర్ నుంచి పెన్నాకు 5 వేల క్యూసెక్కులు వదులుతున్నారు. నది పరిసర ప్రాంతాల గ్రామాల ప్రజలు అప్రమత్తంగా ఉండాలని అధికారులు హెచ్చరించారు.

ఎగువ నుంచి నీటి విడుదల ఎక్కువయితే మరో 5 వేల క్యూసెక్కుల నీటిని విడుదల చేయనున్నారు. చేపల వేటకు వెళ్ళేవారు... పెన్నా పరిసర ప్రాంతాల్లో ఉండకూడదని అధికారులు ఆదేశాలు జారీ చేశారు. ప్రస్తుతం గండికోట జలాశయంలో 11.9 టీఎంసీల నీరు ఉండగా, మైలవరం జలాశయంలో 6 టీఎంసీలకు పైగా నీరు ఉంది.

ఇదీచూడండి.నిరంతర ప్రవాహం... నిండుకుండల్లా జలాశయాలు