కారు-ద్విచక్రవాహనం ఢీ.. ఇద్దరు కూలీలు మృతి

రోజంతా కష్టపడి ఇళ్లకు వెళ్లి సేద తీరాలనుకున్న కూలీలపై మృత్యువు పగబట్టింది. విధులు ముగించుకుని ఇళ్లకు వెళ్తున్న వారిని కారు రూపంలో కబళించింది. ఈ విషాద ఘటన కడప జిల్లా ఇడమడకలో జరిగింది.

కడప జిల్లా దువ్వూరు మండలం ఇడమడక గ్రామానికి చెందిన కూలీలు రవణయ్య, బాలనాగమ్మ, మాధవి పని ముగించుకుని ద్విచక్రవాహనంపై ఇంటికెళ్తున్నారు. ఈ క్రమంలో వెనుకవైపు నుంచి వస్తున్న కారు.. వీరు ప్రయాణిస్తున్న ద్విచక్రవాహనాన్ని ఢీకొట్టింది. ఈ ఘటనలో రవణయ్య, బాలనాగమ్మలు మృతి చెందగా.. మాధవికి తీవ్ర గాయాలయ్యాయి. చికిత్స నిమిత్తం క్షతగాత్రురాలిని కర్నూలు జిల్లా చాగలమర్రి ఆస్పత్రికి తరలించారు. సమాచారం అందుకున్న పోలీసులు ప్రమాదం జరిగిన స్థలాన్ని పరిశీలించి, కేసు నమోదు చేసుకుని దర్యాప్తు చేస్తున్నారు.

ఇవీచదవండి.