సాయి మనోజ్​కు ఆర్జీయూకేటీ ఛాన్స్​లర్ నివాళులు

కడప జిల్లా ఇడుపులపాయ ట్రిపుల్​ఐటీలో ఆత్మహత్య చేసుకున్న మనోజ్ చిత్రపటానికి ఆర్జీయూకేటీ ఛాన్స్​లర్, ఉపాధ్యాయులు, విద్యార్థులు నివాళులు అర్పించారు. పరీక్షల్లో ఫెయిల్ అయితే ఆత్మహత్య చేసుకోవడం తగదని సూచించారు.

కడప జిల్లా ఇడుపులపాయ ట్రిపుల్​ఐటీలో శనివారం ఆత్మహత్య చేసుకున్న సాయిమనోజ్ చిత్రపటానికి ఆర్జీయూకేటి ఛాన్స్​లర్ కె.సి. రెడ్డి, సిబ్బంది, తోటి విద్యార్థులు నివాళులు అర్పించారు. సాయి మనోజ్ కుటుంబానికి విశ్వవిద్యాలయం తరఫున అన్ని విధాలా అండగా ఉంటామని ఛాన్స్​లర్ తెలిపారు.

పరీక్షల్లో ఫెయిల్ అయితే... క్షణికావేశానికి లోనై ఆత్మహత్య చేసుకోవడం సబబుకాదని కేసీ రెడ్డి అన్నారు. ఈ అనాలోచిత చర్య వల్ల విద్యార్థుల కుటుంబం క్షోభకు గురవుతుందని ఆవేదన వ్యక్తం చేశారు. విద్యార్థులకు ఏ సమస్య వచ్చినా తనను సంప్రదించాలని కోరారు. విద్యార్థుల వసతి గృహాలలోని పది రూములకు ఒక ఉపాధ్యాయుడిని కో-ఆర్డినేటర్​గా నియమిస్తామని స్పష్టం చేశారు.

ఇదీచదవండి.