"జలశక్తి అభియాన్​"లో విద్యార్థుల పాత్ర కీలకం

జల సంరక్షణ పనులు చేపట్టకపోతే జీవకోటి మనుగడకు ముప్పు ఉందని జిల్లా శాస్త్ర సమాచార అధికారి తారక ప్రసాద్ అన్నారు. రాష్ట్రంలోని 13 జిల్లాల్లో 9 జిల్లాలు భూగర్భ జలాలు అడుగంటినట్లు తెలిపారు. ఇందులో కడప జిల్లా ఉండటం దురదృష్టకరమన్నారు.

కడప జిల్లా బద్వేలులోని రాచపూడి నాగభూషణం పీజీ కళాశాలలో జలశక్తి అభియాన్​పై విద్యార్థులకు అవగాహన సదస్సు నిర్వహించారు. ఈ కార్యక్రమానికి ముఖ్య అతిథిగా హజరైన జిల్లా శాస్త్ర సమాచార అధికారి తారక ప్రసాద్ మాట్లాడుతూ... స్వచ్ఛభారత్​లా... జల శక్తి అభియాన్ ద్వారా పర్యావరణాన్ని కాపాడవచ్చు అన్నారు. ఇందులో విద్యార్థుల పాత్ర ముఖ్యమన్నారు. ప్రతి ఒక్కరూ వాన నీటి సంరక్షణ చేపట్టాలని సూచించారు. మొక్కలను విరివిగా నాటాలని తెలిపారు. నీటి పొదుపు చేపట్టాలన్నారు. ఈ సందర్భంగా డప్పు కళాకారుల బృందం జానపద గేయాలతో విద్యార్థులను అలరించారు. అంతకు ముందు పట్టణంలో ఎన్సీసీసీ విద్యార్థులతో కలిసి ప్రదర్శన నిర్వహించారు.

ఇవీ చదవండి

ఇకపై ప్రభుత్వ మద్యం దుకాణాలు..అద్దె గదులకు టెండర్లు