'ప్రజలకు ఉచితంగా కరెంటు ఇవ్వాలి'

లాక్​డౌన్ సమయంలో పెంచిన కరెంట్ చార్జీలను తగ్గించాలని కోరుతూ...తెదేపా నేతలు కడప జిల్లాలో నిరసన కార్యక్రమాలు చేపట్టారు. పెంచిన చార్జీలను వెంటనే తగ్గించి.. ఈ మూడు నెలలు ప్రజలకు ఉచితంగా కరెంటు ఇవ్వాలని డిమాండ్ చేశారు.

విద్యుత్ చార్జీల పెంపునూ నిరసిస్తూ... కడప జిల్లాలో తెదేపా నేతలు నిరసన చేపట్టారు. విద్యుత్ చార్జీలను పెంచి ప్రజలను నట్టేట ముంచారని మండిపడ్డారు. రాజంపేటలో ఆ పార్టీ మండల అధ్యక్షుడు సుబ్రహ్మణ్యం నాయుడు ఆధ్వర్యంలో భౌతికదూరం పాటిస్తూ... ఆందోళన చేపట్టారు. ఈ సందర్భంగా ఆయన మాట్లాడుతూ...కరోనాను దృష్టిలో ఉంచుకొని పెంచిన విద్యుత్ చార్జీలను తగ్గించాలని డిమాండ్ చేశారు.

పెరిగిన కరెంట్ చార్జీలు వెంటనే తగ్గించాలంటూ రైల్వేకోడూరు పట్టణంలో పార్టీ నియోజకవర్గ ఇన్​ఛార్జ్ కస్తూరి విశ్వనాధ నాయుడు ఆధ్వర్యంలో నిరసన చేపట్టారు.లాక్​డౌన్ కారణంగా ప్రజలు ఇబ్బందులు పడుతుంటే.., కరెంట్ చార్జీలు పెంచడం దారుణమని నేతలు వ్యాఖ్యానించారు. పెంచిన చార్జీలను వెంటనే తగ్గించి..ఈ మూడు నెలలు ప్రజలకు ఉచితంగా కరెంటు ఇవ్వాలని డిమాండ్ చేశారు.