'మంత్రి అంజాద్​బాషాకు కరోనా వచ్చిందా? లేదా? ప్రకటించాలి'

ఉపముఖ్యమంత్రి అంజాద్ బాషాకు కరోనా వచ్చిందని తెదేపా రాష్ట్ర సమన్వయ కార్యదర్శి గోవర్ధన్ రెడ్డి, కడప జిల్లా ప్రధాన కార్యదర్శి హరిప్రసాద్ అన్నారు. ఆ విషయాన్ని బయటకు చెప్పడం లేదని వారు ఆరోపించారు.

అంజాద్ బాషా ఉప ముఖ్యమంత్రి హోదాలో ఉంటూ తనకు కరోనా సోకిన విషయం బయటకు చెప్పకపోవడం విడ్డూరంగా ఉందని తెదేపా రాష్ట్ర సమన్వయ కార్యదర్శి గోవర్ధన్​రెడ్డి, కడప జిల్లా ప్రధాన కార్యదర్శి హరిప్రసాద్ ఆరోపించారు. అంజాద్​బాషా ఇంట్లో ఉంటూనే వైద్యం పొందుతున్నారని చెప్పారు. మంత్రి అంజాద్​బాషాకు కరోనా పాజిటివ్ సోకిందన్న విషయం అధికారులూ వెల్లడించక పోవడం దారుణమన్నారు. లాక్ డౌన్ సమయంలోనూ అంజాద్ బాషా ప్రజలను వెంటబెట్టుకుని వీధులన్నీ తిరిగారని ఆరోపించారు.

ఇదీ చదవండి: 'కరోనాతో సవాళ్లే కాదు అవకాశాలూ పెరిగాయ్'