కడప జిల్లా యోగి వేమన విశ్వవిద్యాలయం పీజీ సెట్ ఫలితాలు విడుదలయ్యాయి. బద్వేలులోని శ్రీ రాచపూడి నాగభూషణం డిగ్రీ & పీజీ కళాశాల విద్యార్థులు ర్యాంకుల పంట పండించారు. ఫిజిక్స్ విభాగంలో సుబ్బయ్య మొదటి ర్యాంకు, రాజేశ్వరి- 2, పావని-6వ ర్యాంకు సాధించారు.
గణిత విభాగంలో నారాయణమ్మ, మస్తాన్ మొదటి ర్యాంకు సాధించారు. కామర్స్లో ఖాదర్ భాష 30వ ర్యాంకు, ఎల్లయ్య- 47, షేక్ సాదిక్- 58వ ర్యాంకు పొందారు. తెలుగు విభాగంలో సల్మా నాలుగో ర్యాంకు సాధించారు. ఉత్తమ ఫలితాలు పొందిన విద్యార్థులను కళాశాల వ్యవస్థాపకుడు నాగభూషణం, ఏవోఈ కృష్ణ, ప్రిన్సిపాల్ సత్యనారాయణ అభినందించారు.