'లాక్​డౌన్ నిబంధనలు అతిక్రమిస్తే కఠిన చర్యలు'

లాక్​డౌన్ నిబంధనలు అతిక్రమిస్తే కఠిన చర్యలు తీసుకుంటామని రాష్ట్ర అదనపు డీజీ శ్రీధర్ రావు హెచ్చరించారు. కరోనా రెడ్​జోన్​గా ప్రకటించిన కడప జిల్లా వేంపల్లిలో పర్యటించిన ఆయన లాక్​డౌన్ అమలు తీరును పరిశీలించారు.

కడప జిల్లా వేంపల్లెలో పాజిటివ్ కేసులు నమోదు కావడంతో ప్రభుత్వం రెడ్ జోన్​గా ప్రకటించింది. అక్కడ పారిశుద్ధ్య కార్యక్రమాలతో పాటు భద్రతను కట్టుదిట్టం చేశారు. ఆ ప్రాంతంలో పర్యటించిన రాష్ట్ర అదనపు డీజీ శ్రీధర్ రావు.. జిల్లా ఎస్పీ అన్భురాజన్​తో కలిసి లాక్​డౌన్ అమలు తీరుపై సమీక్షించారు. ఈనెల 14 వరకు లాక్​డౌన్ అమలులో ఉంటుందని ప్రజలెవరూ బయటకు రాకూడదని డీజీ స్పష్టం చేశారు. నిబంధనలు అతిక్రమించి ఎవరైనా బయటకు వస్తే కఠిన చర్యలు తీసుకుంటామని హెచ్చరించారు. వైద్యులు, పోలీసులు, పారిశుద్ధ్య కార్మికులతో సమానంగా కరోనా మహమ్మారిపై జర్నలిస్టులు పోరాడుతున్నారని ఆయన కొనియాడారు.

ఇదీచదవండి