ముగిసిన రాష్ట్రస్థాయి ఇన్​స్పైర్​ మనాక్ ప్రదర్శన

కడప జిల్లాలో రాష్ట్రస్థాయి ఇన్​స్పైర్​ మనాక్ ప్రదర్శన ముగిసింది. కార్యక్రమానికి మాజీ ఎమ్మెల్యే ఆకేపాటి అమర్నాథ్​రెడ్డి ముఖ్య అతిథిగా హాజరయ్యారు. విద్యార్థులు జాతీయ స్థాయిలో కూడా ప్రతిభ చాటాలని పిలుపునిచ్చారు.

కడప జిల్లా రాజంపేట అన్నమాచార్య ఇంజనీరింగ్ కళాశాలలో మూడు రోజులుగా నిర్వహించిన రాష్ట్ర స్థాయి ఇన్​స్పైర్​ మనాక్ ప్రదర్శన ముగిసింది. విద్యార్థులు తయారు చేసిన ఎన్నో ప్రాజెక్టులు ప్రదర్శనలో ఉంచారు. వీటిని తిలకించడానికి విద్యార్థులు పెద్దఎత్తున తరలివచ్చారు. రాష్ట్రంలోని 13 జిల్లాల నుంచి 503 ప్రాజెక్టులు రాగా వాటిల్లో జాతీయ స్థాయికి 51 ప్రదర్శనలు ఎంపికయ్యాయి. జాతీయ ఇన్​స్పైర్​ మనాక్​కు ఎంపికైన విద్యార్థులు అక్కడ కూడా ప్రతిభ చాటాలని మాజీ ఎమ్మెల్యే ఆకేపాటి అమర్నాథ్​రెడ్డి పిలుపునిచ్చారు. విద్యారంగానికి పెద్ద పీట వేస్తూ... సీఎం జగన్ మోహన్ రెడ్డి విద్యార్థులకు చేయూతనిస్తున్నారని తెలిపారు. పోటీల్లో గెలుపొందినవారికి బహుమతులు ప్రదానం చేశారు.

ఇదీ చదవండి:రాజంపేటలో ఘనంగా రాష్ట్ర స్థాయి ఇన్​స్పైర్ మనక్ ప్రదర్శన