ఏకాంతంగా శ్రీ నారాపుర వెంకటేశ్వర స్వామి కల్యాణోత్సవం

కడప జిల్లా జమ్మలమడుగులోని శ్రీ నారాపుర వెంకటేశ్వర స్వామి బ్రహ్మోత్సవాల్లో భాగంగా కల్యాణోత్సవం నిర్వహించారు. కరోనా నిబంధనల దృష్ట్యా భక్తులను అనుమతించలేదు. తితిదే అధికారుల సమక్షంలో కార్యక్రమం జరిగింది.

కడప జిల్లా జమ్మలమడుగు పట్టణంలోని శ్రీ నారాపుర వెంకటేశ్వర స్వామి బ్రహ్మోత్సవాల్లో భాగంగా కల్యాణోత్సవం వైభవంగా జరిపించారు. నిన్న ఉదయం సర్వభూపాల వాహనంలో స్వామివారిని ఊరేగించారు. సాయంత్రం శ్రీదేవి, భూదేవి శ్రీవారి కల్యాణోత్సవం కన్నుల పండువగా నిర్వహించారు. కరోనా నిబంధనల కారణంగా ఈ వేడుకకు భక్తులను అనుమతించలేదు. తితిదే అధికారులు, అర్చకుల సమక్షంలో ఈ కార్యక్రమం జరిగింది. బ్రహోత్సవాల్లో నిర్వహిస్తున్న పూజలన్నీ ఏకాంతంగానే జరిపిస్తున్నట్లు అర్చకులు తెలిపారు.

ఇదీ చదవండి:ద్వారకా తిరుమలలో వైభవంగా జరిగిన శ్రీ చక్రవార్యుత్సవం