డివైడర్​ను ఢీకొట్టిన ద్విచక్రవాహనం... యువకుడు మృతి

రోడ్డు ప్రమాదంలో ఓ యువకుడు మృతిచెందగా... మరో యువకుడు తీవ్రంగా గాయపడిన ఘటన కడప జిల్లా చెన్నంపల్లి వద్ద జరిగింది. ద్విచక్రవాహనం డివైడర్​ను ఢీకొట్టడం వల్ల ప్రమాదం జరిగింది.

కడప జిల్లా బద్వేలు మండలం చెన్నంపల్లి 67వ జాతీయ రహదారిపై రోడ్డు ప్రమాదం జరిగింది. ప్రమాదంలో ఒక యువకుడు మృతి చెందగా... మరో యువకుడు తీవ్రంగా గాయపడ్డాడు. బద్వేలు కోటవీధి ఆంజనేయ నగర్​కు చెందిన వినయ్​ కుమార్, శ్రీమాన్​ రెడ్డిలు పని నిమిత్తం మైదుకూరు వెళ్లి ద్విచక్రవాహనంపై తిరిగి వస్తున్నారు. చెన్నంపల్లి రోడ్డు మలుపు వద్దకు రాగానే... వాహనం అదుపుతప్పి డివైడర్​ను ఢీకొట్టింది. ప్రమాదంలో ఇద్దరు తీవ్రంగా గాయపడ్డారు. క్షతగాత్రులను ఆసుపత్రికి తరలిస్తుండగా... మార్గ మధ్యలో వినయ్ కుమార్ మృతి చెందాడు. శ్రీమాన్​రెడ్డికి ఆసుపత్రిలో చికిత్స అందిస్తున్నారు.

ఇదీచదవండి