కడప జిల్లా బద్వేలు మండలం గుండంరాజు పల్లి వద్ద ద్విచక్రవాహనం, కారు ఢీకొన్నాయి. ఈ ప్రమాదంలో వెంకటరామపురం గ్రామానికి చెందిన భవన నిర్మాణ కార్మికుడు మృతి చెందాడు. అతడిని రమణయ్య గా పోలీసులు గుర్తించారు.
రమణయ్య వెంకట్రామాపురం నుంచి బద్వేల్ కు ద్విచక్ర వాహనంలో వస్తుండగా ఈ ప్రమాదం జరిగింది. ఘటనపై బద్వేలు పోలీసులు కేసు నమోదు చేశారు. ప్రమాదానికి కారణమైన కారు డ్రైవర్ ను పోలీసులు అదుపులోకి తీసుకున్నారు.