కడప జిల్లా చాపాడు మండలం విశ్వనాథపురం సమీపంలో జరిగిన రోడ్డు ప్రమాదంలో.. ప్రొద్దుటూరు దొరసానిపల్లెకు చెందిన కృష్ణ (40) అనే వ్యక్తి మృతి చెందాడు. దేవి అనే మహిళ గాయపడింది. ప్రొద్దుటూరు నుంచి కడపకు ద్విచక్ర వాహనంపై వెళ్తుండగా గుర్తు తెలియని వాహనం ఢీకొట్టినట్లు తెలుస్తోంది.
కృష్ణ అక్కడికక్కడే మృతి చెందగా.. గాయపడిన మహిళను 108 వాహనంలో ప్రొద్దుటూరు ప్రభుత్వాసుపత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు.