కడప జిల్లా పెనగలూరు మండలం చక్రంపేట సమీపంలో ట్రాక్టర్ ను ఆటో ఢీ కొట్టింది. ఈ ప్రమాదంలో ముద్రపల్లికి చెందిన ఆటో డ్రైవర్ నవీన్ (30) మృతి చెందాడు. నిన్న రాత్రి చక్రంపేట మీదుగా ముద్రపల్లిలోని తన ఇంటికి నవీన్ ఆటోలో వెళ్తుండగా ఈ ప్రమాదం జరిగినట్లు స్థానికులు తెలిపారు.
సమాచారం తెలుసుకున్న ఏఎస్సై మల్లికార్జన్, స్థానిక పోలీసులు మృతదేహాన్ని శవ పరీక్ష నిమిత్తం రాజంపేట ప్రభుత్వ ఆసుపత్రికి తరలించారు. కేసు నమోదు చేసి విచారణ చేస్తున్నట్లు పోలీసులు తెలిపారు.