వైకాపా నేతలు రిగ్గింగ్ చేశారని తెదేపా అభ్యర్థి కంటతడి

అధికార పార్టీ నేతలు దొంగ ఓటింగ్​కు పాల్పడినా పోలీసులు పట్టించుకోకపోవడంపై తెదేపా అభ్యర్థి ఆవేదన వ్యక్తం చేశారు. కడప జిల్లా రాయచోటిలో ఈ ఘటన జరిగింది. పోలీసులు వైకాపా ఏజెంట్​లుగా వ్యవహరిస్తున్నారని ఆరోపించారు.

కడప జిల్లా రాయచోటి పురపాలికలో జరిగిన ఎన్నికల్లో.. తెదేపా అభ్యర్థి ఖాదర్​వలి కంటతడి పెట్టుకున్నారు. 25 వార్డులోని ఒకటో పోలింగ్ కేంద్రంలో వైకాపా కార్యకర్తలు రిగ్గింగ్​కు పాల్పడుతున్నారని పోలీసులకు మొర పెట్టుకున్నారు. పోలీసులు ప్రేక్షకపాత్ర వహిస్తూ.. ఏకపక్షంగా అధికారపార్టీ ఏజెంట్​లుగా వ్యవహరిస్తున్నారని ఆరోపించారు. వారంతట వారే ఓట్లు వేసుకోవడాన్ని అడ్డుకోవాలని పోలీసులను వేడుకున్నారు.

ప్రజాస్వామ్య దేశంలో ఇంతటి దారుణం జరుగుతున్నా పోలీసులు సరిగా స్పందించకపోవడంపై ఖాదర్​వ​లి ఆవేదన వ్యక్తం చేశారు. వారి కుటుంబాలు బాగుపడవు అని ఏడుస్తూ.. పోలింగ్ కేంద్రం నుంచి బయటకు వచ్చారు. రాయచోటిలోని 23, 24, 25 వార్డుల్లోనూ ఇదే విధంగా జరిగిందని తెదేపా అభ్యర్థులు ఆరోపించారు.

ఇదీ చదవండి: