కాన్పు కోసం వచ్చి గర్భిణీ మృతి .. వైద్యుడి నిర్లక్ష్యమే కారణమన్న బంధువులు
కాన్పు కోసం ప్రభుత్వ ఆసుపత్రికి వెళ్లిన గర్భిణి... వైద్యం చేసే సమయంలో మృతి చెందడంపై బంధువులు ఆందోళనకు దిగారు. ఈ సంఘటన కడప జిల్లా రాజంపేట ప్రభుత్వ ఆసుపత్రిలో కలకలం సృష్టించింది. పుల్లంపేట మండలం వల్లూరుపల్లి గ్రామానికి చెందిన నాగమణెమ్మ(25)ను కాన్పు కోసం ఈ నెల 3న రాజంపేట ప్రభుత్వ ఆసుపత్రికి తీసుకొచ్చారు. ఇవాళ ఉదయం వైద్యం చేస్తుండగా.. ఆమె మృతి చెందింది.
వైద్యుడి నిర్లక్ష్యమే ఇందుకు కారణమని ఆరోపించిన ఆమె బంధువులు ఆసుపత్రి వద్ద ఆందోళనకు దిగారు. వైద్యుడి నిర్లక్ష్యం వల్లే ఆమె చనిపోయినట్లు ఆరోపించారు. 50 వేల రూపాయలు ఇస్తే బయట ప్రైవేట్ హాస్పిటల్లో ఆమెకు ఆపరేషన్ చేస్తానని ఆ వైద్యుడు చెప్పినట్లు బంధువులు ఆరోపించారు.