రాజకీయ లబ్ధి కోసం తెదేపా వ్యక్తులపై దాడి రాజకీయ లబ్ధి కోసమే ప్రతిపక్ష నేత జగన్.. తెదేపా నేతలపై ఆరోపణలు చేస్తున్నారని పులివెందుల తెదేపా అభ్యర్థి సతీష్ రెడ్డి మండిపడ్డారు. ముందుగా వివేకానందరెడ్డికి గుండెపోటు అని ప్రచారం చేశారు. తర్వాత హత్య అని తేలిందన్నారు. ఈ ప్రాంత నాయకుడు చనిపోతే ప్రచారం సైతం ఆపివేశామని సతీష్ రెడ్డి గుర్తు చేశారు. చంద్రబాబు, లోకేశ్‌, ఆదినారాయణరెడ్డితో పాటు... తనపైనా వైకాపా అనవసరంగాఆరోపణలు చేస్తోందన్నారు. సునీత మాటలు వింటే చాలా బాధ కలిగిందన్న సతీష్ రెడ్డి... హత్యలో వీసమెత్తు ప్రమేయం ఉందని నిరూపిస్తే.. ఉరి శిక్షకైనా సిద్ధమేనని చెప్పారు. తెదేపా కార్యకర్తలపై దాడులు చేస్తూ... తిరిగి తమపైనేఆరోపణలు చేయటం సరికాదన్నారు.
