స్థలం విషయంలో పెరిగిన కక్ష.. వ్యక్తి దారుణ హత్య

స్థలవివాదం ఇద్దరి మధ్య కక్షను పెంచింది. ఆక్రోశాన్ని రగిల్చింది. కత్తితో దాడి చేసేలా ప్రేరేపించింది. హత్య చేసి పరారయ్యేలా దిగజార్చింది. పాతకక్షలతో దారుణహత్య జరిగిన ఘటన కడప జిల్లా చింతకొమ్మదిన్నె మండల కేంద్రంలో జరిగింది.

కడప జిల్లా చింతకొమ్మదిన్నె మండల కేంద్రంలో దారుణం జరిగింది. పాతకక్షలతో ఓ వ్యక్తి హత్యకు గురయ్యాడు. స్థానికంగా నివాసం ఉండే సాంబశివారెడ్డి, ఈశ్వర్​రెడ్డిల మధ్య స్థలం విషయంలో తగాదాలు జరిగాయి. ఒకరిపై మరొకరు కక్ష పెంచుకున్నారు. ఈ నేపథ్యంలో ఈశ్వర్​రెడ్డి, మహేశ్వర్​రెడ్డి అనే మరో వ్యక్తితో కలిసి సాంబశివారెడ్డిపై కత్తితో దాడి చేసి పరారయ్యారు. ఛాతిపై గాయం కావడం వల్ల సాంబశివారెడ్డి కుప్పకూలిపోయాడు.

స్థానికులు చికిత్స నిమిత్తం ఆసుపత్రికి తరలించగా మార్గమధ్యలో మృతి చెందాడు. పోలీసులు కేసు నమోదు చేసి, దర్యాప్తు చేస్తున్నారు. పరారైన నిందితుల కోసం గాలిస్తున్నారు.

ఇదీ చదవండి: