యోగివేమన విశ్వవిద్యాలయ తెలుగు శాఖ ఆధ్వర్యంలో రెండు రోజుల పాటు రాయలసీమ ఆధునిక తెలుగు సాహిత్యం, గ్రామీణ సంస్కృతిపై జాతీయ సదస్సు, గ్రామీణ ఉత్పత్తుల ప్రదర్శన ఏర్పాటు చేశారు. ముఖ్యంగా రాయలసీమకు సంబంధించిన సంస్కృతి, సంప్రదాయాలు, గ్రామీణ క్రీడలు, సాహిత్యం, రైతు జీవనం, కులవృత్తులు, పండగలపై వక్తలు కీలక ఉపన్యాసాలు ఇచ్చారు. విశ్వవిద్యాలయ ఆచార్యులతో పాటు ఇతర బాషా సాహితీవేత్తలు, విమర్శకులు, రచయితలు పాల్గొన్నారు. ఆనాటి సీమ సంస్కృతిని తెలియజేశారు. కొన్ని సంవత్సరాల క్రితం కరవుతో అల్లాడిన సీమ పరిస్థితిని, ఆనాటి జ్ఞాపకాలను గుర్తు చేశారు. అప్పటి గ్రామాల పరిస్థితి, ప్రజల జీవన విధానం, వారి సంస్కృతిని వక్తలు నేటి తరానికి తెలియజేశారు. యోగివేమన విశ్వవిద్యాలయ ఉపకులపతి సూర్యకళావతి ఆధ్వర్యంలో నిర్వహించి సదస్సుకు ప్రముఖ సాహితీ వేత్త రాచపాలెం చంద్రశేఖర్ రెడ్డి, విశ్రాంత ఆచార్యులు చిగిచర్ల కృష్ణారెడ్డి తోపాటు, సీమలోని 4 జిల్లాలకు చెందిన రచయితలు, కవులు, తెలుగు భాషాభిమానులు హాజరయ్యారు.
పాత వస్తువుల ప్రదర్శన