హత్య కేసులో నిందితుడు అరెస్టు

ఈ నెల 13న కడప జిల్లా ప్రొద్దుటూరులోని అమృత్ నగర్ సమీపంలో జరిగిన హత్య కేసులో నిందితుడిని పోలీసులు పట్టుకున్నారు. వివాహేతర సంబంధమే హత్యకు కారణమని పోలీసులు వెల్లడించారు.

కడప జిల్లా ప్రొద్దుటూరులోని అమృత్​నగర్ సమీపంలో ఈ నెల 13న జరిగిన హత్య కేసులో నిందితుడిని పోలీసులు పట్టుకున్నారు. పాత అమృతనగర్​కు చెందిన సుబ్బయ్యను అరెస్టు చేసిన పోలీసులు రిమాండ్​కు తరలించారు.

తన భార్యతో వివాహేతర సంబంధం పెట్టుకున్నాడన్న అనుమానంతో చెన్నామరాజుపల్లెకు చెందిన రామాంజనేయులును నిందితుడు సుబ్బయ్య హత్య చేశాడని పోలీసులు వెల్లడించారు. చీర కొంగుతో గొంతు బిగించి హత్య చేసినట్లు పోలీసుల విచారణలో సుబ్బయ్య అంగీకరించినట్లు సీఐ విశ్వనాథరెడ్డి చెప్పారు.