బద్వేలులో భార్యపై కత్తితో దాడి చేసిన భర్త
కడప జిల్లా బద్వేలు మండలం తిరువెంగళాపురానికి చెందిన సులోచనకు... బ్రహ్మంగారి మఠం మండలం రేకులకుంటకు చెందిన పాణ్యం శేఖర్తో 12 ఏళ్ల కిందట వివాహమైంది. పెళ్లైన రెండు సంవత్సరాలకే ఇద్దరి మధ్య మనస్పర్థలు రావటంతో ఇద్దరు కూతుళ్లతో సులోచన పుట్టినింటికి చేరింది. నందిపల్లె వద్ద పాల డైరీలో పని చేస్తూ జీవనం సాగిస్తోంది. ఈ క్రమంలో తోటివారితో ఆటోలో కలిసి పనికి వెళ్తున్న సులోచనపై భర్త కత్తితో దాడి చేశాడు. అడ్డుకోబోయిన వారిని చంపుతానంటూ బెదిరించాడు. సకాలంలో స్థానికులు స్పందించి ప్రాణాపాయన్ని తప్పించారు. బాధితురాలి ఫిర్యాదు మేరకు బద్వేలు పట్టణ పోలీసులు కేసు నమోదు చేసి దర్యాప్తు చేస్తున్నారు.