RED SANDLE: రూ.2 లక్షల విలువైన ఎర్ర చందనం పట్టివేత

కడప జిల్లా రైల్వేకోడూరులో ఎర్రచందనం దుంగలను స్మగ్లింగ్​ చేస్తున్న ఐదుగురిని పోలీసులు పట్టుకున్నారు. వారి వద్ద నుంచి రూ.2 లక్షలకు పైగా విలువ చేసే ఎర్రచందనం దుంగలను స్వాధీనం చేసుకున్నారు. మరో ఐదుగురు నిందితుల కోసం గాలిస్తున్నట్లు తెలిపారు.

కడప జిల్లా రైల్వేకోడూరులో అక్రమంగా రవాణా చేస్తున్న ఎర్రచందనం దుంగలను టాస్క్​ఫోర్స్​ పోలీసులు స్వాధీనం చేసుకున్నారు. వాటి విలువ రూ. రెండున్నర లక్షలకుపైనే ఉంటుందని తెలిపారు. స్మగ్లింగ్​కు పాల్పడ్డ ఐదుగురిని అదుపులోకి తీసున్నారు. మరో ఐదురుగు పారిపోయారని ఎర్రచందనం యాంటీ స్మగ్లింగ్ టాస్క్​ఫోర్స్ పోలీస్ ఇన్​స్పెక్టర్​ వెంకట్ రవి తెలిపారు.

దేశెట్టిపల్లె అటవీ ప్రాంతంలో కూంబింగ్​ నిర్వహించామన్నారు. పారిపోయిన వారి కోసం గాలిస్తున్నట్లు తెలిపారు. పట్టుబడిన ఐదుగురు రైల్వేకోడూరు, వెంకటగిరి ప్రాంతాలకు చెందిన వారిగా గుర్తించామన్నారు.

ఇదీ చదవండి:రూ.7.20 లక్షల విలువైన రేషన్​ బియ్యం పట్టివేత