ఇద్దరు ఎర్రచందనం స్మగ్లర్లను కడప జిల్లా పోలీసులు బెంగళూరులో అదుపులోకి తీసుకున్నారు. స్మగ్లర్ బాషాభాయ్ అరెస్టు అయినప్పటి నుంచి మూడు ప్రత్యేక బృందాలు కర్ణాటక, తమిళనాడు రాష్ట్రాల్లో నిఘా పెట్టాయి. ఈ క్రమంలో బెంగళూరులో ఇద్దరు బడా స్మగ్లర్లను జిల్లా పోలీసులు అదుపులోకి తీసుకున్నట్లు సమాచారం. వీరద్దరూ కడప జిల్లాకు చెందిన వారని తెలిసింది.
నిందితులిద్దరినీ కడపకు తరలించినట్లు పోలీసు వర్గాలు వెల్లడించాయి. ఆ ఇద్దరు బడా స్మగ్లర్లపై కడప, మైదుకూరు, రైల్వేకోడూరు ప్రాంతాల్లోని పోలీసు స్టేషన్లలో కేసులు ఉన్నట్లు అధికార వర్గాలు తెలిపాయి.