ముఖ్యమంత్రి వైఎస్ జగన్ మోహన్ రెడ్డి జిల్లా పర్యటన సందర్భంగా భారీ బందోబస్తు చేపడుతున్నట్లు ఎస్పీ అన్బురాజన్ తెలిపారు. పులివెందుల పట్టణం, శిల్పారామము రోడ్డు సమీపములోని హెలిప్యాడ్, జూనియర్ కాలేజి గ్రౌండ్ నందు జరుగు బహిరంగ సభాస్థలిని భద్రత ఇన్ఛార్జ్ అధికారి రాజారెడ్డితో కలిసి పరిశీలించారు.
బందోబస్త్ ఏర్పాట్లపై పులివెందుల డీఎస్పీ శ్రీనివాసులు, సీఐ భాస్కర్ రెడ్డితో చర్చించి .. వారికి తగిన సూచనలు చేశారు. సీఎం కాన్యాయ్ వెళ్లే మార్గంలో, సభాస్థలి వద్ద పటిష్ఠ భద్రతను ఏర్పాటు చేయాలని ఎస్పీ ఆదేశించారు. సీఎం వెళ్లే మార్గంలో ముందస్తు ట్రైల్ రన్ నిర్వహించారు.