29, 30 తేదీల్లో సీపీ బ్రౌన్ భాషా పరిశోధన కేంద్ర రజతోత్సవాలు

కడప సీపీ బ్రౌన్ భాషా పరిశోధన కేంద్రం రజతోత్సవాలను ఈనెల 29,30 తేదీల్లో నిర్వహించనున్నారు. ఈ మేరకు ఘనంగా ఏర్పాట్లు చేశామని యోగివేమన విశ్వవిద్యాలయం ఉపకులపతి సూర్య కళావతి తెలిపారు. తెలుగుభాష కోసం సీపీ బ్రౌన్ రెండు దఫాలుగా ఐదేళ్ల పాటు కడపలో పని చేశారని ఆమె అన్నారు.

కడప సీపీ బ్రౌన్ భాషా పరిశోధన కేంద్రం రజతోత్సవాలను ఈనెల 29, 30 తేదీల్లో ఘనంగా నిర్వహించనున్నారు. జానమద్ధి హనుమచ్ఛాస్త్రి బ్రౌన్ గ్రంథాలయం నిర్మాణం కోసం ఎనలేని కృషి చేశారని యోగివేమన విశ్వవిద్యాలయం ఉపకులపతి సూర్య కళావతి వెల్లడించారు. ఈ రజతోత్సవాలకు సీఎం జగన్ మోహన్ రెడ్డిని ఆహ్వానించామని ఉపకులపతి తెలిపారు. జిల్లాకు చెందిన పలువురు ప్రజా ప్రతినిధులు, అధికారులు, కవులు, కళాకారులను కూడా ఆహ్వానించామని పేర్కొన్నారు. అలాగే నేడు విశ్వవిజ్ఞాన వేదిక-గ్రంథాలయం అనే అంశంపై అంతర్జాల శతాధిక కవి సమ్మేళనం నిర్వహించారు.

ఇదీ చదవండీ...సమస్యల నడుమ సీపీ బ్రౌన్‌ గ్రంథాలయ రజతోత్సవాలు