వైకాపాలో కొనసాగుతూ అదే పార్టీపై విమర్శలు చేస్తున్న ఎంపీ రఘురామ కృష్ణరాజుతో మాజీ మంత్రి , భాజపా నాయకుడు ఆదినారాయణ రెడ్డి భేటీ అయ్యారు. మంగళవారం సాయంత్రం దిల్లీలో ఎంపీ రఘురామ కృష్ణంరాజుతో కడప జిల్లాకు చెందిన భాజపా నాయకులు, ఆదినారాయణ రెడ్డి సమావేశమయ్యారు. వేర్వేరు పార్టీలకు చెందిన ఇద్దరు ప్రధాన నాయకులు సమావేశం కావడంతో సర్వత్రా ఆసక్తికరంగా మారింది. వీరిరువురి మధ్య ఎలాంటి విషయాలు చర్చకు వచ్చాయో తెలియరాలేదు. ఈ సమావేశ విషయంపై ఈటీవీ భారత్ ప్రతినిధి ఆదినారాయణరెడ్డిని వివరణ కోరగా.. కాంగ్రెస్ పార్టీ నుంచి తామిద్దరూ చాలా మంచి స్నేహితులు అనీ.. మంగళవారం రోజున హఠాత్తుగా తారసపడడంతో ఇద్దరం కాసేపు మాట్లాడుకున్నట్లు వివరించారు.
ఎంపీ.. మాజీ మంత్రి.. దిల్లీలో సమావేశం..! - ఎంపీతో కడప భాజపా నేతల సమావేశం న్యూస్
ఒకరు రెబల్ ఎంపీ.. మరొకరు మాజీ మంత్రి.. ఇద్దరూ దిల్లీలో సమావేశమయ్యారు. రెండు వేర్వేరు రాజకీయ పార్టీలకు చెందిన ప్రధాన నేతలు సమావేశం కావటంతో.. వీరి సమావేశం సర్వత్రా ప్రాధాన్యత సంతరించుకుంది. ఇంతకీ ఆ నేతలు ఎవరంటే...
మంత్రితో సమావేశమైన కడప నేతలు