వరుస చోరీలతో బెంబేలెత్తుతున్న జమ్మలమడుగు వాసులు

వరుస దొంగతనాలు జమ్మలమడుగు వాసులను భయాందోళనకు గురిచేస్తున్నాయి. తాజాగా మెురగుడి, ముద్దునూరులో చోరీలు జరిగాయి.

కడప జిల్లా జమ్మలమడుగు ప్రాంతంలో వరుస చోరీలతో పట్టణవాసులు ఆందోళన చెందుతున్నారు. జమ్మలమడుగు మండలం మొరగుడి గ్రామంలో ఓ ఇంట్లోకి చొరబడి హుండీని పగులకొట్టి 16 వేల రూపాయల నగదును ఎత్తుకెళ్లాడో దొంగ. ఈనెల 2వ తేదీ రాత్రి ముద్దునూరు రహదారిలో దుకాణాన్ని పగలగొట్టి సరుకులను తీసుకెళ్లాడు మరో దొంగ.

ఈ విషయాన్ని వెల్లడించిన ఎస్ఐ రవి కుమార్... సీసీ కెమెరాల ద్వారా ఫుటేజీ తీసుకుని దర్యాప్తు చేస్తున్నామని చెప్పారు. ముగ్గురు యువకులు ఈ చోరీలకు పాల్పడి ఉంటారని అనుమానం వ్యక్తం చేశారు. నిందితులను త్వరలోనే గుర్తిస్తామన్నారు.

ఇదీ చదవండి: