భార్య కాపురానికి రావటం లేదని భర్త ఆత్మహత్యాయత్నం !

భార్య కాపురానికి రావటంలేదని కడప జిల్లా మైదుకూరులో అశోక్ అనే యువకుడు పెట్రోల్ పోసుకొని ఆత్మహత్యాయత్నం చేశారు. ఘటనాస్థలికి చేరుకొన్న పోలీసులు యువకుడిని మాటల్లో పెట్టి అదుపులోకి తీసుకున్నారు.

కర్నూలు జిల్లా నందికొట్కూరుకు చెందిన అశోక్​కు మైదుకూరు పట్టణానికి చెందిన మహిళ తో పదేళ్ల కిందట వివాహమైంది. రెండేళ్ల వరకు కాపురం సజావుగా సాగిపోగా.. మధ్యలో తలెత్తిన విభేదాలతో అత్తవారి ఇంటి వద్దనే కాపురం చేసేలా ఒప్పందం చేసుకున్నారు. 8 నెలల కిందట అత్తారింటి నుంచి వెళ్లిపోయిన అశోక్ ఇటీవల తన భార్యను కాపురానికి పంపాలంటూ మామతో ఘర్షణ పడటంతో మైదుకూరు పోలీస్ స్టేషన్​లో కేసు నమోదైంది. తాజాగా మరోసారి అత్తగారి ఇంటికి వచ్చిన అశోక్.. తన భార్యను కాపురానికి పంపకపోతే ఆత్మహత్య చేసుకుంటానని పెట్రోల్ పోసుకున్నాడు. విషయం తెలుసుకున్న పోలీసులు ఘటనాస్థలికి చేరుకొని అతణ్ణి అదుపులోకి తీసుకున్నారు.

ఇదీచదవండి