కడపలో దారుణం.. భార్యను కత్తితో నరికిన భర్త

భార్యపై అనుమానంతో ఓ భర్త కత్తితో ఆమెని నరికి చంపాడు. ఆ దారుణాన్ని అడ్డుకోబోయిన మరో మహిళపై కత్తితో దాడికి తెగబడ్డాడు. ఈ ఘటన కడపలోని రవీంద్రనగర్‌లో జరిగింది.

కడప రవీంద్రనగర్‌లో.. ఓ వ్యక్తి తన భార్యను కిరాతకంగా నరికి హత్యచేశాడు. అడ్డుకోబోయిన మరో మహిళపైనా దాడి చేశాడు. రవీంద్రనగర్‌కు చెందిన దస్తగిరి, బీబీజాన్‌ దంపతులకు ముగ్గురు సంతానం. ఇటీవలే వారి కుమారుడు మృతిచెందాడు. అప్పటి నుంచి భార్యపై అనుమానం పెంచుకున్న దస్తగిరి... భార్యను వేధించేవాడు. ఈ ఉదయం భార్యభర్తల మధ్య వాగ్వాదం జరిగింది. ఈ క్రమంలో కత్తితో భార్యపై దాడిచేసిన దస్తగిరి. . దారుణంగా నరికి హత్యచేశాడు. అడ్డుకోబోయిన మరదలిపైనా దాడిచేశాడు. ప్రస్తుతం ఆమె పరిస్థితి కూడా ఆందోళనకరంగా ఉంది. పోలీసులు ఘటనాస్థలాన్ని పరిశీలించారు. నిందితుడు పోలీస్‌స్టేషన్‌లో లొంగిపోయాడు.

డబ్బులు ఇవ్వనందుకే తన అక్కని చంపేశాడని మృతురాలి సోదరి ఆరోపించారు. పిల్లలు ఎలా బతకాలి అని కన్నీరుమున్నీరయ్యారు.

ఇదీ చూడండి.నారాకోడూరులో విషాదం...రోడ్డు ప్రమాదంలో వ్యక్తి మృతి