ప్రొద్దుటూరులో హైపోక్లోరైడ్ ద్రావణం పిచికారి

రాష్ట్రవ్యాప్తంగా కరోనా వైరస్ శరవేగంగా విస్తరిస్తోంది. ఈ మహమ్మారి వ్యాప్తిని నియంత్రించడానికి ప్రజలందరూ ఇళ్లలోనే ఉండాలని అధికారులు, పోలీసులు సూచిస్తున్నారు. ఇందులో భాగంగా కడప జిల్లా ప్రొద్దుటూరులో హైపోక్లోరైడ్ ద్రావణాన్ని పిచికారి చేశారు.

క‌డ‌ప జిల్లా ప్రొద్దుటూరు పుర‌పాలిక ప‌రిధిలో సోడియం హైపో క్లోరైడ్ ద్రావణాన్ని పిచికారి చేశారు. పట్టణంలో క‌రోనా పాజిటివ్ కేసులు అధికం అవుతున్న నేపథ్యంలో ఈ కార్యక్రమం చేపట్టామని స్థానిక ఎమ్మెల్యే రాచమల్లు శివప్రసాద్​రెడ్డి తెలిపారు. ప్ర‌జ‌లందరూ ఇంట్లోనే ఉండి వైరస్ వ్యాప్తిని నియంత్రించాలని విజ్ఞప్తి చేశారు. అనవసరంగా రోడ్లపైకి రావ‌ద్ద‌ని.. ప్ర‌తి ఒక్క‌రూ అధికారుల‌కు స‌హ‌క‌రించాల‌ని కోరారు.

ఇదీచదవండి.